ما اريد انتخب كل اربع سنين اريدن كل سبت كون انتخابات
تجينه الحصه كلهه واحسن طحين ويوصلون الكرم ينطونه صوبات
وتجي وجبة غرف نوم وبطاطين وتصير اصواتنه اغله من السماوات
وتلبخهه القطع دور المساكين يندلـهه المـرشح بالدعـايات
وإتفرحهه الحكومه الراد تعيين يجي مطبوع اسمه وبالبطاقات
بمعنى لا تأيس موش ناسين حته إلاصبعك موجوده بصمات
إصبعك اغله من كل الموازين والكال العكس صدك تفاهات
وقبل ايان يفرج علمساجين وبعد غمر الاصابع إعتقالات
وتجينه تزورنه الاعضاء مرتين بليوم, وشبع نشبع زيارات
طلبنه والمرشح كال آمين وعلى الابيض يوقع مستجابات
اتمنه تعجبكم...