معلومات مفيده من طالب تخرج من كليه العلوم حاسبات الى المتقدمين للحاسبات

السلام عليكم...

للطلاب اللي ودهم يتخصصون في علوم الحاسب.... أقول:
إذا تحس ان البرمجة عندك هواية رقم 1 - يعني متمكن من لغة برمجة أو أكثر قبل ما تدخل الكلية...
أو على الأقل عندك الدافع (الذاتي) القوي انك تتعلم بنفسك خارج نطاق الخطة الدراسية..

فتخصص علوم الحاسب هو التخصص المناسب لك والمفضل بل وربما الأفضل...
لأنه باختصار.. يعتمد بشكل أكبر من غيره على مبدأ الـ Self Study..

أقول الكلام هذا.. لأني واجهت مشكلة يوم كنت طالب في انه نآخذ مواد فيها مشاريع تحتاج إلى لغات برمجة ما نعرفها...
وبيني وبينها حاجز الـ Object Oriented Concept..
وحاجز الوقت الضيق اللي ما يسمح لنا نتعلم Concept جديد علينا في زحمة اختبارات ومشاريع....
وحاجز انها هواية لكنها رقم 4 تنتهي الإجازة وأنا أشوف الوقت ما يكفي للثلاث الأولى..
وحاجز عدم وجود الدافع الذاتي القوي اللي كان بيساعدني أخليها هواية رقم 1 ولو لفترة محدودة...

هذا بناء على خبرتي... وأتمنى تكون الخطة تغيرت لتلافي هذه المشكلة...
وما أظن لأن الدكتور السلمان سبق انه قال لي انها راح تتغير لكن بعد فترة يمكن تطول شوي...
إلا إذا كانت ++C فتحت للدفعات الجديدة عوالم الـ Object Oriented..
بشكل يقلل من حجم المشكلة اللي واجهت كثير من طلاب دفعتي...

أما طلاب النظم... فما راح تتخرج إلا ومعاك Java و Oracle و... و..... و..... ، باختصار...
راح تكون تقريبا جاهز لتقديم خدماتك للشركة اللي تتوظف فيها بدون بذل أي مجهود شخصي إضافي...
وبدون دورات تدريبية تقدمها لك الشركة..
يعني راح يكون أكثر جاذبية للشركات من الطالب الخام اللي يحتاج مجهود عشان يصير جاهز...

وأخيرا أقول.. والله ان كليتنا روعة... صحيح فيها سهر وهم وتعب على المشاريع والإختبارات.. بس والله لها حلاوة....
عمري ما راح أنسى متعة التفكير في البحث عن Logic مناسب لحل مشكلة ما في مشروع..
ولا متعة إكتشاف خطأ في الـ syntax or symantic بعد ساعات وأحيانا أيام..
ولا متعة إكتمال المشروع بعد أسابيع من السهر والتعب... آتت في النهاية ثمارها..

أتمنى لكم التوفيق..

ولكم خالص تحياتي.....